Dialettali 21 dicembre 2022 · lettura 1 min · 713 letture

+ Segui

E chesta festa è doce comme ‘o mele te piglia t’accarezza e te confonne e tu ce sì nu sciuscio miez’e fronne scanaglie chesta storia ‘e cannamele. E chesta notte è santa overamente c’a vocca ca se regne ‘e pucundria c’a lengua ca nun dice na bugia e saglie scenne e passa pe’ sta via. E chistu juorno ‘a verità se mosta ‘o sole tene scuorno p’a guarda’ ‘o cielo splenne ‘ncoppa a sta città e ‘a luce dint’o scuro te fa ’a posta. E tutt’aunite corna fele e sante te cantano felice ‘a storia nova e ‘o bbene ca se sente e ca se prova abbraccia int’a stu suonno tutte quante.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese