Dialettali 4 gennaio 2023 · lettura 1 min · 707 letture

+ Segui

Befana Befa’ te voglio riala’ nu poco ‘e passione ca avoto a canzone nu chilo ‘e buscie ca so’ tutt‘e mie na palla gunfiata pe chesta jurnata nu piatto sculato pecché so’ scucciato na pettola ‘e ‘nzogna pecché tengo ‘a rogna. Befana Befa’ me voglio sciala’ perciò pe’ ‘ntramente saluto sta ggente purtanno ‘o canisto ‘mpurpato c’o scisto na granne rattata pe ogne pupata nu juorno cianciuso c’o mazzo adderuso nu cuofeno ‘e niente pecché so’ fetente. Befana Befa’ te voglio parla’ c’a vocca d’o sale ‘nziriosa e carnale c’a lengua d’a vita ca ogge è ferita c’o core e c’a panza cu tutt’a crianza c’o fegato amaro ca cerca riparo c’o culo e c’a sguessa ca face ‘a papessa. Befana Befa’ te voglio stuna’ e dint’a stu sacco tu miettece ‘o ‘ntacco na piezzo ‘e guagliona ca fa ‘a vucculona na fetta ‘ e curaggio pecché po’ sarraggio na bella fellata pe fa’ na sceriata e infine nu quanno ca ‘e corne ce stanno!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese