Dialettali 18 gennaio 2023 · lettura 1 min · 708 letture

+ Segui

E mo’ ca ‘a vita face ‘o mastuggiorgo miettece ‘o tappo ‘mmocca a stu rilorgio ca nun te scoccia cchiù ogne matina facenno ‘o zucanzogna e ‘a signurina. E mo’ ca ‘a notte s’addemostra amica caccia fora d’a casa sta furmica ca tuzzulianno ‘a porta ogne mumento puteva fa’ veni’ nu sciuglimento. E mo’ ca ‘a carta nun fa ‘a speretosa mettennese a gnagna’ meza vavosa cancielle cu piacere sta parola ca pe’ tant’anne è stata tacche e sola. E mo’ ca ‘o sole è doce comme ‘o mele te può scurda’ priato tutt’o fele ca mo’ cumpagno e mo’ madonna bruna te dice pe’ stagna’: “BBONA FURTUNA!”

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese