Dialettali 25 gennaio 2023 · lettura 1 min · 860 letture

+ Segui

Vulesse scancella’ sta sciorta nera cu chesta mana janca ancora ‘ntatta ma ‘a vita c’o passato nun fa ‘a jatta e t’addeventa na scarrafunera. Vulesse fa’ ‘o patrone ‘e chistu munno facennelo piatuso e assaie capace ’e da’ a sta ggente ‘nsuonno... ammore e pace ma sti parole so’ chiantate ‘nfunno. Vulesse tene’ ‘a forza ‘e chi cumbatte ‘a mmiria ‘a ruzza ‘o male e ogne miseria ma chesta vita nun’è affatto seria e votta ‘ncielo sulo scaravatte. Vulesse ca l’inferno nun ce stesse ca ‘o paraviso ‘o fravecasse ‘nterra ma ‘a storia penza sulo a chi fa ‘a guerra e ‘a vita venne ‘a paglia c‘o ‘nteresse!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese