Dialettali 22 febbraio 2023 · lettura 1 min · 905 letture

+ Segui

Capaci... io so’ capace ‘e fa’ scuppia’ na guerra ca fa’ cchiù doce ‘a terra... Capaci... io so’ capace ‘e mettere nu tappo a tutto ‘o munno guappo. Capaci... io so’ capace ‘e dicere mo’ basta a chesta gente guasta. Capaci... io so’ capace e nun scurda’ Falcone na pecora lione. Capaci... Io so’ capace e voglio fa’ ‘a partita ca cagna chesta vita... Capaci... io so’ capace ‘e fa’ cuntento ‘o core ca tene famme ‘e ammore... Capaci... io so’ capace e scarto ‘a falsità ca è figlia a un’altra età. Capaci... io so’ capace e voglio ave’ nu padre ca nun me porta spade. Capaci... io so’ capace ‘e te spezza’ ‘e catene ‘e fa’ sti mane chiene... Capaci... io so’ capace aunito a tanta gente a contrasta’ ‘o fetente. Capaci... io so’ capace perciò voglio lutta’ pe’ te e p’a libertà... Capaci... io so’ capace ‘e vencere p‘a pace pecché guagliò me piace.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese