Dialettali 17 maggio 2023 · lettura 1 min · 928 letture

+ Segui

E dinto a sta jurnata ca tramonta ‘o sole t’ha stipato n’ata jonta: nu cielo fatto ‘e voglia ‘e risciata’ na terra ca è cuntenta ‘e s’abbenta’. E areto ’a sta tempesta umanitaria ‘a vita pe’ tramente cagna st’aria ‘o suonno nun se mette a fa’ ‘a matina ‘o tiempo s’arreposa int’a vetrina. E ‘mbraccio a chistu ‘mbruoglio nazionale ‘a sciorta mo’ te stampa nu giurnale addò se legge ‘o nomme ‘e ciento rose ‘e chi a stu piello ha dato mille cose. Ma si pe scagno torna ‘a nustalgia tu vienitenne dinto a sta ‘nzagnìa... Allora ‘o core sbatte pe’ schiatta’ ‘a capa se ne fuje pe’ pannia’ ‘a mano s’atturciglia e se turmenta ‘a vocca se scumbina e s’alllamenta. E dint’a sta jurnata grossa assaie cu arte e ‘ndifferenza te ne vaie e ‘o sole appiccia ‘o ffuoco e fa ‘o ‘mpicciuso piglianno n’ata strata pronto all’uso.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese