Dialettali 24 maggio 2023 · lettura 1 min · 759 letture

+ Segui

’A libbertà è nu trono gruosso assaje ma ‘nce s’assette na perzona ‘a vota. ’O riesto aspetta sperto c’a speranza (sempe si ‘o primmo s’è rignuto ‘a panza) ’e truva’ posto e doppo ‘e se sazia’. E appena ca po’ vene ‘o turno suoio ‘nce saglie chianu- chiano senza pressa se pianta e ‘ncoccia n’aria accussì fina ca ‘o sango corre ‘e corza a s’allaria’... E’ allora ca s’abboffa ‘e libbertà! E ‘ncoppa a chistu trono è ‘o meglio rrè e guarda a chille ‘e sotto ca so’ tante zeze marpiune fronne e traffecante ma ‘e vede assaie luntano e piccerille e nun’e caca manco nu tantillo. ’A libbertà è nu bbene disgraziato ca cchiù ne magne e cchiù ne sì affamato e quanno ‘a vita t’offre l’occasione ’a ‘ntuone sulo tu chesta canzone mente ca l’ate sentennete ‘e canta’ suspirano sunnanno ‘e se ‘mbriaca’...

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese