Dialettali 31 maggio 2023 · lettura 2 min · 826 letture

+ Segui

Ai voglia ‘e fa’ burdelle ai voglia ‘e scassa’ ‘mbrelle cercanno ‘e fa’ nu sfratto ‘e pezzeca’ ddoie iatte... Tu può arapi’ na porta signa’ na strata nova... ma doppo... qua maggìa se trova ‘ncoppa ‘a via? ‘A stessa schifenzia ancora ‘a storia ‘e primma ancora certi facce so’ zucasanguinacce! E tu c’aie cumbattuto e tu ca sì ‘mpazzuto pe da’ nu poco ‘e sole a tanta juorne nire te siente comme a chella ca dint’a caccavella ausanno na cucchiara vuleva spusta’ ’o mare. Amico mio perdoname: che voglia ‘e m’abbasca’! Ma fino a ca sta vita me po’ riala’ bannere pittate c’a speranza ‘e fa’ cchiù futo e tunno sta sciorta e chistu munno ie te stò ‘ncopp’a panza e torno cu passione e torno cu fermezza pure si sta munnezza t’a stanno a ricicla’ pecché chi nasce lupo è pronto a te magna’. Perciò rivoluzione... pecché sulo cu essa me passa ‘a malatia. Perciò rivoluzione pecché sta zucculona appena ‘a canto e ‘a sono ‘a chiocca nun sbarea e ‘o core s’arrecrea... Perciò rivoluzione pecché pe’ sta nazzione cu chistu ‘nzevamiento sì sulo sciuscio ‘e viento... Pecché pe’ me e pe’ te vulenno stravede’ nun cuntarranno ‘e sante si ‘a sacca oi nì è vacante!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese