Dialettali 14 giugno 2023 · lettura 1 min · 769 letture

+ Segui

Sapisse quantu tiempo so’ stata a sta fenesta speranno ca stu sole trasesse aunit’a festa. Sapisse quanta vote cercavo ‘e mane toie sicuro ‘e mille bracce e mo’ so’ certa: è l’ora! E va... e va... sta forza chi m’a dà? e va... e va... È ‘a forza ‘e na città! E ‘o sole bussa e trase e comme a na criatura m’abbraccia e me cunzola me regne tutt’e case. Me dice ‘o santo è pronto: sta festa è medicina! Abballa zompa e canta: sta festa è ballerina! E va... e va... che bene ca me fa! E va... e va... faciteme passa’! So’ ciento bracce ‘e fierro ca ‘nchiovano ‘o martiello te fanno tucca’ ‘o cielo mente ca staie cca ‘nterra. ‘O core è na palomma ca gira tutt’o munno ma quanno trase giugno a Nola vò turna’. E va... e va... che forza ca ce da’! E va... e va... facitece passa’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese