Dialettali 12 luglio 2023 · lettura 1 min · 742 letture

+ Segui

Vera femmena cagliosa, tu sì femmena addirosa, chiocca allera, battagliera, fatta proprio ‘e una manera ca te dà soddisfazione ca fa ricca ogne occasione. Degna femmena ‘e rispetto, tu sì femmena ‘e libbretto, cu sti mane attarantate ca se moveno ‘ntrezzate, pe’ dà voce a tanta core, cu passione... Che spantore! Granna femmena maesta, tu sì femmena ‘e fenesta sempe aperta ‘nfaccia ‘o sole cu sta vita fatta ‘e scola ca stunata a te guarda’ cchiù nun sape comme fa’. Vera femmena fucone, tu sì femmena ‘e cantone ca cu arte ha semmenato, ca tant’anne ha cammenato, senza maie scurda’ nisciuno, danno sciato a uno a uno. Tu sì femmena e ce lasse pe’ na vita fatta ‘e sciasse, ma sarraie sempe presente dint’a st’aria... onninamente e sarraie tu ainto e fora puntualmente na signora!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese