Dialettali 12 ottobre 2023 · lettura 1 min · 696 letture

+ Segui

Quanno ca nun ce stive (guagliò, ie mo’ t’o scrivo) ‘o pesce pesciava e a mare sciacquettiava... Int’a st’immensità: ih che felicità! Mezzane e piccerille gruosse e spontachiattille insomma ‘e tutt’e razze robba ca ascive pazzo bestie c’a vocca tanta sellanta cchiù millanta. Po’ sì arrivato tu... e aje fatto ‘o scemanfù... ‘O mare aje pulizzato e ‘o pesce spurchiato e tutta sta abbunnanza l’aje miso dint’a panza facenno nu maciello curtiello cu rastiello. Ma ce ne stanno ancora cu tutt’a cannelora e tu sì assaje cuntento senza nu cumplimento. Perciò stu munno è ccà! Tu cirche ‘e nun sgarra’ pecché comme ‘o destino isso te schioppa ‘nzino pecché cu ddoje pe’ tre è jonta p’o buffè pecché sti trentasette se moveno allicchette e ‘o pesce pe’ campa’ te spenza sta bontà e tu t’o spuzzulie tutto stu bbene ‘e Ddio!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese