Dialettali 27 marzo 2024 · lettura 1 min · 519 letture

+ Segui

’O siente e gira a mente ’o tuocche e ‘o tiene a core... Cu te ca sì presente te chiamme e cerca e trova e fa tanto rummore ca va cuglienno ammore... Se torce e gghi’è cuntento te scava e se turmenta e parla e se sta zitto e chello ca te dice nun saje addò l’ha scritto. Pe’ te cu me s’abbruscia nun trova maie arricietto e sbatte int’a stu pietto ca comme a nu criaturo pazzea e abballa annuro. ’O siente? ‘O sento ‘o veco ca sempe zumptianno fa ‘o pazzo e po’ arraggiona fa ‘o scemo e va cantanno ’o ritornello ‘e primma ca pare sempe ‘o stesso ma si ce vaie appriesso è propio n’ato ancora pecché a tutte l’ore vo’ nascere e muri’ vo’ chiagnere e speri’... E doppo a stu sperpetuo ca è sciore ‘e pasta fina te torna a fa’ ammuina pecché nun po’ durmi’ pecché si s’abbentea se sceta strutto e sfatto e ‘o fuoco ca vulleva se stuta nitto ‘nfatto!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese