Dialettali 7 agosto 2024 · lettura 1 min · 684 letture

+ Segui

Tenenno ‘nnant’a l’uocchie ‘a vaccarella na rana se senteva piccerella e vulenno cupia’ chell’abbunnanza se regnette cu l’acqua vocca e panza. Ne bevette talmente tantu e tanto ca ‘e botta s’accucchiaie c’ ‘o campusanto e mente ca bussava addò saie tu San Pietro le dicette: “ Scemanfù, chisto è ‘o destino ‘e chi pretenne ‘e cchiù! O sì cuntento comme Ddio t’ha fatto o schiatte ‘ncuorpo e ‘a cielo scenne ‘o sfratto. Perciò si nasce chianta oppure fronna nun t’abbasca’ e nun cagna’ maje l’onna... Attaccate sta vita core e mente e fallo senza scuorno onninamente!”

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese