Dialettali
10 febbraio 2025
· lettura 3 min
· 304 letture
A cuperta mmraculusa
A tarda sira quannu cala lu scuru
mi sentu stancu comu un cafuni
ca tutta a jurnata a statu
arreri a lu so patruni,
nun viu l’ura di irimi a curcari
pi mi putiri tanticchia arriripusari.
Chistu mi capita macari ora
doppu tant’anni ca sugnu npisioni
e di stancarimi nun ci sunnu occasioni.
Mi mettu sutta na cuperta di lana
ca pi mia è un veru toccasana,
mi callia di li spaddri finu a li pedi
sia du latu davanti ca d’arreri.
E’ un caluri ca duna cunfortu,
m’addrummisciu comu si fussi mortu.
Nun è sulu chistu chi mi fa piaciri,
ci sunnu cosi ca nun pozzu diri.
E’ na cuperta di tanti culura
ca mi fa passari tutti li dulura,
ca m’accarizza comu s’avissi li mani
e mi fa addrivigliari l’indumani
comu s’avissi puntatu na sveglia
ca all’ura pricisa e stabilita
m’arricorda ca la pacchia è finita.
La cosa ancora chiù strana
è ca sta sveglia pari umana.
Nun sacciu spiegari stu misteru
ca pari sovrumanu pi davveru.
Po pensu a cu fici la cuperta
e lu misteru è risoltu a la svelta.
La feci me mamma
cu a lana di magliuna scuciti,
e ora puru vuatri lu capiti
ca lu misteru è nni lu maternu amuri
ca mi leva tutti li duluri
e ora ca sinni acchianà ncelu
pi mia trasforma in caluri u jelu!
La coperta miracolosa
A tarda sera quando scende il buio
mi sento stanco come un cafone
che tutto il giorno sta dietro al padrone,
non vedo l’ora di andarmi a coricare
per potere un poco riposare.
Questo mi capita anche ora
dopo tant’anni che sono in pensione
e di stancarmi non c’è occasione.
Mi metto sotto la coperta di lana
che per me è un vero toccasana,
mi scalda dalle spalle fino ai piedi
sia dal lato davanti che di dietro.
E’ un calore che dà conforto,
mi addormento come fossi morto.
Non è solo questo che mi fa piacere,
ci sono cose che devo tacere.
E’ una coperta di tanti colori
che mi fa passare tutti i dolori,
che mi accarezza come s’avesse le mani
e mi fa svegliare l’indomani,
come se avessi messo la sveglia
che all’ora precisa e stabilita
mi ricorda che la pacchia è finita.
La cosa ancora più strana
è che la sveglia sembra umana.
Non so spiegare questo mistero
che sembra sovrumano per davvero.
Poi penso a chi ha fatto la coperta
e il mistero è risolto alla svelta.
L’ha fatta mia mamma
con la lana dei maglioni scuciti
e ora pure voi lo comprendete
che il mistero è l’amore materno,
quello che mi toglie tutti i dolori
e ora che è salita in celo
per me trasforma in calore il gelo.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
