Dialettali 4 agosto 2026 · lettura 1 min

+ Segui

‘O vino quanno scenne dint’ ‘a panza è nu cumpagno allero e assistemato ca dà calore e comme a nu surdato sape fa’ ‘a guardia a tutta quanta ‘a stanza. ‘O vino quanno saglie dint’ ‘a chiocca è nu nemico ‘nfame e disgraziato porta scumpiglio... peggio ‘e na cainata e puntualmente na tempesta schiocca. Ma si ‘a butteglia fuie a dint’ ‘a mana e se spapanza ‘nterra sana sana nun te preoccupa’ ca è bona sciorta. È grazia ‘e Dio ca enchie n’ata sporta pecché l’anema ca steve llà ‘nzerrata è n’anema ca è stata libberata.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese