Poesia 9 novembre 2017 · lettura 2 min · 1448 letture

G + Segui

Matri ‘un ti scantari ‘A campana purtau ‘a notizia ê quattru venti, ‘a vuci curriu pi tutta ‘a cuntrata, ‘ na pricissioni d’amici e parenti ca finiu sulu ora a tarda sirata. Sinni eru tutti quanti matri mia e mentri ‘a notti avanza lentamenti ìu sugnu cca a parrari cu tia, picchì sacciu ca ancora mi senti. Stasira nta tò’ vucca ‘un c’è lamentu, niscìu stamatina l’ultimu çiatu, fineru ‘i tò peni e ‘u turmentu ca pi tant’anni t’hannu martiriatu. Quannu oj tinni isti eru luntanu e ‘un potti fari chiddu ca vulìa, teniri stritta stritta la tò manu e nsinu all’ultimu fariti cumpagnia. E diriti comu facìa di picciriddu, quannu turnavamu a casa ô scurari, puru s’avia ‘u cori nt’un pugniddu: “Matri, ci sugnu ìu, ‘un ti scantari!” Vulau ‘a notti a parrari cu tia e ora ca cumincia ad agghiurnari mi pari di sintìriti, matri mia: “Tranquillu, figghiu, ‘un ti ngustiari!” Traduzione dal dialetto sicilianoi: Madre, non ti spaventare. La campana ha portato la notizia ai quattro venti/ la voce è corsa per tutto il paese/ una processione di amici e parenti/ che è finita solo ora a tarda serata./ Se ne sono andati tutti quanti, madre mia,/ e mentre la notte avanza lentamente,/ io sono qua a parlare con te/ perché so che ancora mi senti./ Stasera nella tua bocca non c’è lamento/ è uscito stamattina l’ultimo respiro/ sono finite le tue pene e il tormento/ che per tant’anni ti hanno martoriato./Quando oggi te ne sei andata, ero lontano/ e non ho potuto fare quello che avrei voluto/ tenere stretta stretta la tua mano/ e fino all’ultimo farti compagnia./ E dirti come facevo da bambino/ quando tornavamo a casa all’imbrunire,/ anche se avevo il cuore in un piccolo pugno,/ “Madre ci sono io, non ti spaventare!/ E’volata la notte a parlare con te/ e ora che comincia a fare giorno,/ mi pare di sentirti, madre mia:/ “Tranquillo. figlio, non ti angustiare!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giuseppe La Rocca