Dialettali 14 marzo 2018 · lettura 1 min · 1379 letture

+ Segui

’Nce avite scritto lettere ‘e parole, juranno ca parlaveve c’o core, ca ‘a storia ‘e sta città nobbele e antica, arrutecata e perza int’a nu ‘ntrico, nun puteva penà ate turmiente, ma ‘o parlà vuosto è fummo, è chierchie e viento. ’Nce avite ditto: "Sto ccà pe’ sta città!” "Ogne perzona voglio accuntunta’!" ma, a quanno pare, essa è peccerella pecché songo priate chisto e chella, mente ca ‘o riesto magna ‘a stessa pasta e quase sempe cu na vecchia crasta. ’Nce avite spiso suonne e fantasie: "Chella ca veco nunn’è terra mia!" "S’adda perdere ‘o nomme e ‘a dignità si nun ve cagno ‘a faccia a sta realtà!" ma attuorno ve sta certa gentarella ca nunn’è santa e manco è pecurella. Allora, care e primme cittadini, o ‘e chiacchiere ‘mparate a fraveca’ o forse (sarrà chesta ‘a verità) sapite sulo scrivere e parla’!

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese