Dialettali 6 febbraio 2019 · lettura 2 min · 1645 letture

+ Segui

Fuoco ‘e sta vita fuoco ca me piglia ca cu nu vaso ‘e fuoco s’atturciglia attuorno a chesta sciorta attarantata cu l’anema ca è ancora ‘nnammurata ‘e st’uocchie ca prufumano ‘a passione e ‘o sango se ne scenne int’o matrone. Fuoco ‘e stu munno fuoco ‘e chesta terra ca cu stu fuoco ‘e lava ’o male afferra ca ardente e supirchiuso fa a cazzotte sapenno ca arrecoglie e se ne fotte e dint’a sti ddoje bracce s’annasconne comme a stu mare ‘e cielo appriesso a l’onne. Fuoco ‘e sta vocca fuoco ca è cerasa ca int’a sta porta ‘e fuoco esce e trase pazzianno cu stu core ogne matina e quanno ‘o juorno parte e se strascina te tocca ‘o cielo e sponta ‘a stella nova ca canta alleramente che se prova. Fuoco ‘e stu core fuoco ca s’appiccia ca int’a stu juorno ‘e fuoco se ‘ncapriccia e canta ‘ncoppa ‘o lietto tutto annuro turnanno ciento vote a fa’ ‘o criaturo e cu sta smania ca se regne ‘e te me sceto ogne mumento strunzo e rré.

♥ 3 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese