Dialettali 22 giugno 2022 · lettura 1 min · 844 letture

+ Segui

Guagliù me so’ sfurzato e ‘o sforzo è stato tanto ca mo’ na debulezza ‘e penna m’ha ‘mpestato... E po’ chi nun m’apprezza è vena ‘e core sfatto e ie po’ manno ‘o sfratto a chi pe’ fa’ pare’ se ‘ngegna peggio ‘e me. Guagliù me so’ scucciato e chesta scucciatura me lassa int’a l’arzura stu pietto ca me volle ca sbatte cchiù ‘e na molla si quacche chiocca vascia me pitta na ‘rancascia dicenno ‘mpertinente ca songo bbuono a niente. Guagliù, me so’ stracquato e appriesso ‘a stracquatura ‘o cuorpo s’è ‘ncurdato perciò na schiuvatura ‘e spiercio m’ha ‘ncanato... E allora già ‘a dimane m’abbarro chesti mane e faccio cumpagnia sulo a sta vita mia.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese