Dialettali 28 giugno 2023 · lettura 1 min · 703 letture

+ Segui

Ie m’arricordo Nola penta e allera ’o doce c’apprettava ‘e strate ‘a sera na granna storia ‘e uommene ‘e mestiere ’a gente ‘a cchiù carnale: che piacere! Ment’ogge ie veco Nola sperta e scura ’a storia ca è scurnosa ‘nfaccia ‘o muro ’a gente ca va ‘e pressa e nun te cura ’nchiusa int’e case ricche eppure annure. Che festa se faceva a San Paolino cu tanta ’e fede a core e chiocca ‘nzino... ment’ogge è addeventata na strascina nu ‘mpacchio arrevutato ‘e na cantina! E allora ‘nzerro l’uocchie e chiammo ‘a luna pe’ fa’ allumma’ sti strate a una a una pe’ fa’ magna’ stu tiempo ca è dijuno pe’ fa’ turna’ sta gente figlia a Bruno. E tanno sonarraggia ogne campana ’mbraccio a Paolino aunito a fra Giordano scramanno dint’o fuoco cu sta mano: " Gente, nun v’o scurdate! Ie so’ nulano!"

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese