Dialettali 16 agosto 2023 · lettura 1 min · 898 letture

+ Segui

‘Ncopp’a sta terra d’ ‘a matina a sera nu crocchio ‘e corve ca nun serve a niente se mette ‘e ponta pronto a ciaceria’ pecché int’ ‘a vita chesto sape fa’. Nun more juorno ca nun sta ritorno nun passa ora ca nun spanne addore! A ogne sciuscio cagna lengua ‘o viento a ogne sciato... che santa sperdicenza tu siente ‘e sfrunnulia’ sta penitenza! ’E tutto scorre ‘a mane ‘a chisti ca ca niente fanno e niente sanno fa’. Pe’ chisti aucielle streppone o nun streppone chello ca faie faie è l’occasione pe’ sfurna’ ‘a vocca veleno avvelenato ca ogne tanto te lassa spertiato pe’ spara’ ‘a vocca sentenze sentenziate ca danno luce ca nun può appiccia’. Dint’a stu munno brutte a corve ‘e razza putesseve ogne tanto aucellia’ pe’ dà na mano e no pe’ lurdia’... “Pe’ chi fatica e chi se rompe ‘o mazzo ’o ‘nzurfa’ vuosto è sciusciamiento ‘e cazzo!”

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese