Dialettali 23 agosto 2023 · lettura 3 min · 706 letture

+ Segui

‘A pasta è nu spettacolo un’invenziosità che sfida in concorrenza propio sua santità. S’acala dint’a l’acqua (in grande quantità) pecché stu bben’ ‘e Ddio ‘nce s’addà sciascia‘. E quanno è cotta al dente ampressa l’a scula’ pecché cchiù ardentemente s’assetta e vò magna’. Bavette vermicielle linguine tagliatelle ‘ncopp’a stu palcoscenico so’ ‘e primme a recità. Nun conta ‘o sentimento nun serve ‘a fantasia... essa è surtanto ‘a via ca cumpagnia te fa. So’ penne o so’ schiaffune te ‘mporta overamente si vonno fa’ ‘e liune e sanno strascena‘? Raviole cannellune lasagne maltagliate so’ verze maje ‘ntunate c’ ‘a vocca vò canta’. E quanno ‘ncoppa ’a lengua tu appuoie nu cannulicchio nun ce po’ sta ‘o paricchio ca maje t’abbastarrà. Làgane pappardelle farfalle bucatine so’ sanghe ‘e na farina cuntenta ‘e se scria’. Te sazia sta abbundanza ca enchie ‘a vocca e ‘a panza o allisce nu fusillo pecché vuò sfrennesia‘? E statte attiento a ‘e zite ca comme tu le ‘mmite aunite c’ ‘o ragù so’ pronte a te da’ ‘o tu. Ma appena ca ‘nciaruso ‘o paccaro fa festa tu afora a na fenesta te mitte a parpetia’. Che forza ‘o rigatone che sfizio ‘a ricciulella c’assieme ‘a stelletella te veneno a ‘ntrucchia’. E comme scuorde gnocche spavette e fettuccine c’ ‘a sciorta t’ ‘e cumbina cuntenta ‘e trezzeja’? E si ammiscata è ‘a pasta cchiù corta è n’occasione mente p’ ‘o cannarone int’a nu lassa e piglia tu vide c’ ‘a cunchiglia te ‘nzorfa l’orecchietta ca c‘ ‘o maccarunciello se vole mmarita’. ‘E sagne ‘ncannulate pippe calamarate pe nuie so’ overo frate ognuno meglio ‘e l’ate. Risoni reginette girandole campane jucanno cu ’e tiane te fanno ‘mpupazza’. Mafalde casarecce capille paglia e fieno na tavola priata è ‘a meglia d’ ‘e sceriate. E pe ferni’ ‘a parata te servo na mappata cercanno amico scusa a chi me so’ scurdato... Gramigne scialatielle eliche tunnarielle troccoli lumaconi gemelli tortiglioni so’ storie senza fine so’ piatte p’ ‘e cucine so’ voglia ‘e fa ‘a ninetta pe te pute’ sazia’. Insomma stu miraculo è mamma d’a certezza e quanno tir’ ‘a rezza tu ’e chiamme a uno a uno pecché evidentemente so’ tutte maccarune.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese