Dialettali 30 agosto 2023 · lettura 2 min · 604 letture

+ Segui

Napule dorme Napule sonna Napule abbampa strecata ‘a sta luna ca sfotte ‘a sciorta scrianno ‘a furtuna sotto a stu cielo ‘nterra a sti chiazze addò ca ‘o sole se mette a fa’ ‘o pazzo miez’a sti strate dint’a sti viche pe’ chesta terra ca sbatte e nun spica ‘mbraccio a sta gente ca campa c’o niente pavanno sango e jucanno cu ‘e stiente. Napule è chesta Napule è chella Napule è comme a na femmena bella ca va cercanno ‘e pare’ madunnella dint’a sti case ‘ncoppa a stu mare ca assieme a l’onne vavianno scumpare cu tanta palle e cu mille prumesse addò ca ‘e sante nun songo cchiù ‘e stesse e chi te bussa te cerca ‘e ‘mprusa’ ‘ncuollo a sta vesta ca ‘a pelle te sta. Napule canta Napule ride Napule chiagne e se ‘ntrocchia ’a sciampagna facenno ‘a parte ‘e chi ancora nun magna dint’a sti chiocche ‘nfaccia a sti core addò chi sfronna fa sulo rummore sott’e feneste miez’e guagliune quanno chi passa nun penza a nisciuno e nu Gennaro c‘a faccia ‘e limone squaglia ogne pietto jucanno ‘o pallone. Napule è nova Napule è antica Napule more e se guarda int’o specchio e ‘nchiett‘o tiempo ca pare già viecchio sotte a sti chiante ‘mbraccio a sti mane se ‘ncapunisce facenno ‘a vammana addò ca ‘e core vulenno ammula’ cu ciento core se ponno ‘nzerra’ addò na chiorma cecata e latrona sfotte sta vita e t’a vota a canzona.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese