Dialettali 6 settembre 2023 · lettura 1 min · 663 letture

+ Segui

E vola pe’ stu munno sfaccennato ‘a meglia grazia ‘e Dio senza nu pate... S’accocchia ‘nchiett‘o viento sciuglienno dint’a l’aria nu lamiento ca tocca ‘e corde ‘e chesta sciorta amara ca sulo ‘nfaccia ‘o cielo s’arrepara. E scenno dint’o sango na miseria ca pava si è pavata e comme a niente ‘o sole s’arretira ‘ndifferente e ‘nzisto te saluta chesta notte ca dorme sulamente si ‘a matina se sceta senza fa’ tanta ammuina. E sona c’a passione ‘e nu scuitato c’o core ca se sente sfrantummato int’a stu juorno ‘nfuso e dispettuso cu chella freva ca nun trova pace e ‘nfaccia ’a notte scura e senza stelle appiccia ‘a luce e canta ‘e tiempe belle!

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese