Dialettali 13 settembre 2023 · lettura 1 min · 635 letture

+ Segui

Donn’Agnese e Donna Gina comme vedono ‘a matina s’arrecentano ‘a vucchella cu nu piatto ‘e pempenella... Po’ ce mettono ‘a durcezza justo miezo... cu priezza nu ricamo ‘e parla’ fino ’e crianza nu cuppino doie tre fette ‘e cassesia e so’ pronte a quaglia’ ‘a via... e pe’ tutta na jurnata fanno a core ‘a strummettiata! So’ ddoie perle... dduie sciucquaglie ddoie vammane... ddoie retaglie ddoie sfugliate sapurite ca te parlano assistite e tu dint’a chelli vocche siente ‘a lengua comme schiocca e nun sgarrano na vota... sempe pronte a gira’ ‘a rota. Ce scappasse na parola ca sapesse ‘e spicaiola!? So’ dduie sciure... ’e cchiù alliccate sempe attate e sperfummate e te parlano accussì pure si anno fa’ pipì!

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese