Dialettali 20 settembre 2023 · lettura 1 min · 853 letture

+ Segui

E quanno ‘o core se fa peccerillo nun spasema nemmeno nu murzillo e se fa friddo e niro cchiù d’a gnosta e ‘a vita assieme a isso nun se sposta. E quanno ‘a vocca è merca e parlettera se mette a sentenzia’ matina e sera credenno e te sana’ nu sole ‘nfietto mente ca te spertosa faccia e pietto. E quanno ‘a chiocca tene uno penziero ‘a capa t’abbisogna ‘e nu vrachiero pe’ suppunta’ sti juorne ‘nfracetate ca passano schiattuse e ‘nfracetate. E quanno ‘e mane scrivono strufette cu chesti dete smucete e ninette ca ‘mprufumate ‘e terra senza braccia te pognono c’o fuoco ‘e na minaccia. E quanno ‘o culo appare na tempesta tu cante e suone comme fa n’orchesta c’ha miso aunite sciorta e curniciello e ‘o meglio ‘e tutt’e dduje è purchiacchiello.

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese