Dialettali 27 settembre 2023 · lettura 2 min · 601 letture

+ Segui

E nel primo misterio ‘a tabacchera ‘e notte s’atturciglia e sa fa nera... Tu busse pe’ trasi’ ma è viernarì e invece ‘e ave’ na carne perlibata te tocca meza panza ammullacchiata e a te ca stive frisco e justo ‘e ponta ‘o piezzo ‘e lardo se squaquacchia ‘nfronte. E nel secondo misterio ‘o zi’ Peppino va dicenno ca tene già ‘o chiavino ca arape chesta porta abbalurata ca è bbuono pe fa’ ‘a meglia sceriata ma s’è ‘nzuccato dinto e cerca ‘a grazia ca scanza puntualmente sta disgrazia... E allora ha convocato nu duttore e chillo t’ha chiammato ‘o saldatore. E nel terzo misterio donna Rosa ‘a tene all’aria aperta chella cosa... Quanno s’affaccia fora a stu balcone ogne bannera vulenno fa’ ‘mpressione assieme a ‘o viento sbatte e fa ‘a smargiassa senza sape’ ca adda pava’ na tassa. Sulo Gnaziello ‘o sarto scartellato se ‘nforra cu piacere int’o pignato. E nel quarto misterio ‘a caramella se lecca cu sta lengua o c’a livella?... Si è tosta ce può mettere curaggio justo pe t’a pruva’... pe fa’ n’assaggio... Si è molla s’atturciglia miez’e diente e pure mazzecannela n’a siente... E allora s’apprepara ‘o funerale pecché cu tutt’o ‘mpegno è sempe uguale. E nel quinto misterio che surata! Era meglio ca facevo na scupata a chesta casa senza nu ‘nteresso... Tu dice ca stu piatto è sempe ‘o stesso? Ma almeno magno certo int’a tiella pure si gira ‘e vote a fiurella... Perciò cumpà turnammo a’ casa nosta ca pure si è smerzata nun ce costa.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese