Dialettali 1 novembre 2023 · lettura 1 min · 718 letture

+ Segui

E sanno tutte quante ca è succieso ma ‘o viento vola e passa ‘ntussecuso e tu ca chiagne ‘a sciorta e sì piatuso te truove strutto e ausato justo mmiezo. E ponno tutte quante da’ na mano ma ‘o juorno passa ampressa ‘ncopp’ ‘a terra e tu cu chesta smania ca t’afferra attienne e pe’ ‘ntramente faje ‘o scrivano E stanno tutte quante ‘nnante ‘o lietto ma ‘a notte s’è pigliata ‘a cunfidenza e tu ca sparte ll’ore c’ ‘a pacienza sì comme a nu nennillo piscialietto. E vonno tutte quante ‘a verità ma ‘a vita è na buscia na mal’annata e tu c’affierre ‘o friddo ‘e sta vernata te guarde attuorno e ‘o sole... ne addò sta?

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese