Dialettali 8 novembre 2023 · lettura 1 min · 717 letture

+ Segui

Si fosse ‘a stessa cosa paresse a me na rosa ma dato ca enno rusta te pogne sulamente e ‘o juorno chiù fetente te nasce già pezzente. Si fosse overo sguiglio vulasse comme a niglio ma dato ca enno cuozzo è suonno ‘e mazzacane e ‘a carne ‘ncoppa ‘o pane se sporchia sana- sana. Si fosse na melocca me stesse sempe mmocca ma dato ca enno sciglio è tutto sculatura e ‘a luce s’appaura pecché cummana ‘o scuro. Si fosse n’ata storia cantasse p’a memoria ma dato ca enno sfunno è figlia ‘e na caiorda e ‘a capa nun se scorda ca ‘a sacca ha perzo ‘e sorde.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese