Dialettali 15 novembre 2023 · lettura 1 min · 734 letture

+ Segui

‘A primma è bella tosta e appuntunuta chell’ata è vecchia lagna ammazzaruta... ‘A primma è sciummo ca nun trova pace chell’ata è lota e nun se fa capace... Una appicciasse ‘o munno p’o sarva’ chell’ata t’afferrasse p’abbruscia’... Songo ddoie rose nate int’a una terra songo ddoie rose ca se fanno ‘a guerra na guerra ca fa male e c’arrefonne ca sbatte chesta varca miezo a l’onne... Na guerra ca putesse ave’ cchiù sciorta e invece fa muri’...mannaggia ‘a morte! E ‘a bbona gente guarda e s’arrecrea chiorma cecata sorda e ca sturea sulo pe s’abbusca’ ddoie tre cannele certa ‘e pute’ ferni’ c’a notte ‘a tela senza sape’ ca ‘a vita è nu brillante ca luce si allummammo tutte quante senza capi’ ca a furia ‘e fa’ accussì pure na rosa ‘e acciaro po’ appassi’!

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese