Dialettali 27 dicembre 2023 · lettura 1 min · 635 letture

+ Segui

Buon anno e bbona annata ‘e mele e ciucculata c’ ‘o treno int’a stazione c’ ‘o santo cuppulone ca preja matina e sera p’ ‘a femmena lumera ca canta balla e sona e gghiè na vrucculona. Buon anno e bbona annata chi ‘a beve e chi ha zucata c’ ‘o canto d’e sirene c’ ‘o ‘nzacco dint’e vene e tu ca sì furesta vulisse ca sta festa rialasse ‘a vita nova addò chi cerca trova. Buon anno e bbona annata chi ha perzo e chi ‘a pigliata cu tutt’a fantasia ca stegne ‘a nustalgia pe’ te pe’ me p’ ‘o munno pecché ‘o vulisse tunno c’ ‘a forza ‘e chi vò ‘a pace e chesto a tutte piace. Buon anno e bbona annata piatosa e affatturata femmena agliummaruta carnale e assaje ‘mpanuta trunera e sapurita p’ ‘o rrè e pe’ chesta vita ca se scetasse asciata buon anno e bbona annata!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese