Dialettali 5 gennaio 2024 · lettura 2 min · 555 letture

+ Segui

A te ca spicche ingrese e faje ‘o buffone ‘o funno cunzumato ‘e nu cazone cu na cazetta rotta sotto ‘o tacco e ‘a carta usata e strutta ‘e miezo pacco. A te ca si pueta ‘e qualtà dduje verze stritte stritte pe’ spieca’ sta vita ca fujenno ‘a dint’a chiocca nun saje addò te scorre e addò te tocca. A te ca juoche e vaje facenno scola cercanno ogne mumento ‘a scummarola pe fa’ carma’ sta freva ca te piglia ‘a palla cunzumata ‘e na maniglia. A te ca notte e juorne cirche pace ‘a smania chiena ‘e ffuoco ‘e na furnace ca appiccia e stuta ‘a voglia ca t’afferra quanno ca ‘o Ninno vene ‘ncopp’a terra. A te ca tiene ‘a sacca assaje sfunnata ‘a smania maje lassata e maje cagnata ca beve chistu munno int’a nu surzo e s’annasconne ‘a chiocca comme ‘o sturzo. A te ca sì cannela senza cera e aspiette ‘o miccio sfatto ‘e na lumera na busta fatta ‘e uosemo scusuto e ‘o lietto appassiuliato ‘e nu curnuto. A te ca aiesce pazzo pe nu fieto n’addora ‘e rosa nana pe’ decreto ca passa pe nu buco peccerillo e va spercianno ‘o core a chisto e a chillo. E a vuie ca arricamate ogne penziero na borza ‘e lacce spare ullero ullero e ‘o juorno cchiù piatuso ‘e na semmana ca joca canta e sona c’ ‘a Befana.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese