Dialettali 17 gennaio 2024 · lettura 1 min · 559 letture

+ Segui

E dint’a stu ciardino ammartenato cresce chello ca sempe haie semmenato ca è fatto ‘e chesta vita triste e allera ca dint’a ll’aria vola e fa a’ bannera. Ma miezo ‘e fronne areto a chistu muro io veco n’arberiello ca è criaturo ca sta sguiglianno pe’ se fa’ gigante pe’ da’ nu poco ‘e sole a tutte quante. Rame ‘mpurpate ‘e chesta terra nera chianta ca pare finta ma è sincera cresce ‘mpustanno ‘a voce a sta furtuna e ‘mbraccio ’e note canta pure ‘a luna. ‘A gente passa e smiccia sta crianza ‘o core saglie e scenne e va ‘mparanza ‘a chiocca cerca e afferra na certezza ‘o munno se fa ricco e s’accapezza!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese