Dialettali 24 gennaio 2024 · lettura 1 min · 652 letture

+ Segui

So’ criature figlie ‘e Ddio ogne pezza nu vulio ogne fronna na speranza ogne faccia na verdanza. So’ criature famme e sciorta sempe areto a chesta porta e chi bussa maje ce trase e chi aesce panne spase. So’ criature carna nosta ogne mana penna e ‘nchiosta ogne vocca na zampogna ogne capa na granogna. So’ criature cundannate senza mamma e senza pate c’ ‘a miseria pe’ cummara pe’ sta vita tarantara! So’ criature munno sperzo ogne rigo n’atu verzo ogne juorno nu scunnietto ogne notte suonno e lietto. So’ criature abbandunate ‘a chi fosse mamma e pate semmentelle ‘e chesta chianta ca sta vita spanna e canta!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese