Dialettali 14 febbraio 2024 · lettura 1 min · 614 letture

+ Segui

E te cerco ogne mumento vattecore mmiez’a ggente dint’ ‘a ‘nziria ‘e na serata ‘ncopp’ ‘a nocca ‘e na resata pe’ nu vaso arricamato ‘a sta vocca ‘e Ddio lodato. E te trovo ogne minuto int’ ‘e suonne maje ‘ngiallute cu sta voglia ‘e t’afferra’ ca continua a me piglia’ ‘nfaccia ‘o lummo ‘e chesta vita sango sperzo ‘e na ferita. E te veco ogne secondo c’ ‘o turmiento ‘e stu tramonto sotto ‘e mmane ‘e chesta freva ca m’abbruscia e nun se leva ‘ncuollo annante ‘e late areto fredda e tosta comme a preta. E te voglio addò saje tu ‘ncoppa ‘o lietto a fa zu zu ca l’ammore senza scuorno è nu sole senza juorno ca sta vita senza ‘e te è nu trono senza rrè pecché chesta è ‘a verità: sulo tu me faje danna’.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese