Dialettali 21 febbraio 2024 · lettura 1 min · 629 letture

+ Segui

‘E cunte fanno ‘a sciorta cchiù quadrata ca ancora va smanianno spalummata... Siente ca gira sbatte e maie s’arrenne e quanno ‘a chiamme move ancora ‘e penne e ‘nchiett‘a capa corre nu penziero ca dint’ ‘a chiocca resta priggiuniero. Quatte parole sulo quacche frase sciusce e mumiente fatte ‘e panne spase... Tu ca sì stato sempe origginale e no na copia ‘a stessa e maje banale tu ca canusce ’a vita e ogne sapore rummane comme sì...famme ‘o favore. Tu ca a sti taste ianche e nire parla e ‘a museca tu spierce comme a tarlo cerca ‘e ‘mbriaca’ sti juorne e chesta vita fatte pe’ carte lucide e sbanite. Guaglio’ suppuorte ‘o tiempo è cusetore... È core ‘e iaccio...è masto ‘mpacchiatore... e tu ca tiene forza e qualità rummane sempe ‘o stesso... nun cagna’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese