Dialettali 28 febbraio 2024 · lettura 1 min · 939 letture

+ Segui

Io tengo dint’a chiocca na speranza ca è vecchia assaie ma ca porta autanza. Me conta certi vote cu piacere ca vrucculosa s’abbracciava aiere areto a chella vita ca affiurava quanno criatura ‘e notte se sunnava ‘a terra ‘e stelle ‘o scuro e po’ ‘a paura c’ ‘a faccia ‘e chi te guarda e nun te cura e s’astrigneva a core c’ ‘a passione ‘e chi sul’isso sape na canzone. ‘A sento ‘a chiammo ‘a mmito e m’ ‘a sgargeo ma essa ca me crede zabbadeo me guarda sulamente nu mumento e po’ ‘nziriosa se ne fuie c’ ‘o viento. Io tengo dint’a chiocca na speranza ca canta sona zompa e se spapanza!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese