Dialettali 6 marzo 2024 · lettura 1 min · 546 letture

+ Segui

Su’ viecchio comme è vecchia chesta vita ca ancora va cercanno mille cose e sbatte dint’a chiocca na canzona smanianno ‘ncopp’a terra ‘o paraviso annascunnuto areto a na guagliona ‘nfaccia a na voglia strana ‘e di’ “Sto cca” sotto a nu cielo spuorco e chiappempiso ‘mbraccio a sti mmane pronte a se ‘nzamma’. So’ viecchio comme vole sta tempesta ca piglia tutte quante a ll’intrasatta c’ ‘a forza ca sul’essa me po’ da’ e scenne dint’o sango a fa ‘a servetta sapenno ca ‘o turmiento è spilacito e corre notte e juorno a dimmanna’ si ‘o sole se n’è gghiuto sapurito c’ ‘a smania ‘e chi nun crede e nun’aspetta. So’ viecchio comme ‘o suonno ca se sceta schiattuso dint’o lietto stanco e muto e quanno bussa forte e cerco aiuto ie sento ca sul’isso fa ‘o ‘nzeriuso e perde ‘o tiempo areto a na ‘nguacchiata ca ll’arricorda ‘a primma ‘nnammurata pecché vulesse ancora scarpettia’ sulo c’ ‘o core senza spertusa’.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese