Dialettali 21 marzo 2024 · lettura 1 min · 558 letture

+ Segui

Comme faccio a te cerca’ si stu sole è pucundruso cchiù se ‘nfonna e cchiù è schiattuso sempe pronto a vrucculia’? Comme faccio a te vule’ si stu tiempo è pucurillo cchiù se sfessa e cchù è tantillo e cammina ‘ncuollo a me? Comme faccio a te senti’’ si sta sciorta m’arrepassa cchù se sfronna e cchiù se spassa c’ ‘a certezza ‘e appezzenti’? Comme faccio a di’ gnornò si sta voglia m’avvelena cchiù è vacante e cchiù po’ è chiena e risponne cu nu sciò? Comme faccio a te da’ ‘o tu si sta chiocca è tunachina cchiù se sbatte e cchiù è na spina pare ‘a lengua ‘e nu zuzù? Statte accorta primavera! Tu me viene a pizzeca’ ma sta vita è na rammera e nun sape cchiù abbasca’.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese