Dialettali 10 aprile 2024 · lettura 1 min · 745 letture

+ Segui

‘O mare... ‘O mare me ‘ntrattene cu chest’onne ca corrono a canta’ na nonna- nonna ma ‘a capa ‘e into ancora nun s’addorme e allora a fa’ ’a criatura se ne torna... E vede ‘e spanteca’ sti ddoie manelle ‘nzammate a fraveca’ ‘e tiempe belle ma comme ‘o core canta pe’ fa’ festa ‘o cielo t’apprepara na tempesta. E l’acqua scenne e ‘nfonna tutte ‘e cose te spercia ‘a vita e annura fa ‘a ‘ntupposa e tu ca guarde ‘a gente e cirche aiuto avuote ‘e tacche e manco nu saluto. E ie ca resta muto e disperato me trovo comme a fronna int’a stu stato ca pogne sta miseria corta e nera ca spenne meza lira e fa ‘a pallera.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese