Dialettali 24 aprile 2024 · lettura 1 min · 681 letture

+ Segui

Parola grossa assaje e assaje piatosa ca pare na jurnata ‘e sole ‘e marzo ca spenne scelle e mane pe’ vula’ e quanno sponta ‘a chiamme libbertà ca è mamma sora nora e po’ cumpagna e senza sta signora nun se magna. Signora ‘a cchiù accapata e appiccicosa addò te siente rrè ‘e ogne miseria e pure si te miette na sciammeria sì puveriello e ‘o tiempo corre e fuje e areto a chesta storia ‘o suonno è jetto e ogne vota corre a cagna’ lietto. Piacere antico e nenia speranzosa penziero ca s’appiccia dint’ ‘o scuro e tu ca staje ‘ncurdato areto ‘o muro facisse ciento passe ciento vote pe’ di’ pe’ fa’ p’ave’ chesta ricchezza ca annura e senza sorde t’enchie ‘a rezza!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese