Dialettali 14 agosto 2024 · lettura 1 min · 669 letture

+ Segui

Ma addò sta ‘e casa ohi ne’ chesta poesia figlia sturciosa ‘e na stramma mania ‘e spennere parole ‘nzuccarate pe’ fa’ canta’ dduje vocche affatturate? Ma cu qua genio ‘nzorfano sti carte cu quacche tiritera chiena ‘e scarte pe’ di’ ca dint‘a ll’uocchie d’ ‘o sprufunno s’allumma n’ata storia e n’ato munno? Ma comme può ‘ntuna’ chesta miseria c‘ ‘a stoffa cunzumata ‘e na sciammeria quanno ca ‘a ggente penza ca sta vita sulo c’ ‘a robba se po’ fa’ squesita? Perciò fatte capace ca ‘o sunna’ serve surtanto pe te fa’ strippa’. Perciò primma ca ‘a luna se ne vola tu a chesta notte falle ancora scola. Perciò jette sta penna e chesta chiocca e muovete a cria’ quacch’ata nocca. Perciò ‘nchiude chist’uocchie e chesti recchie e miettete a stagna’ quatte scufecchie.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese