Dialettali 4 settembre 2024 · lettura 1 min · 547 letture

+ Segui

E quanno ‘o tiempo va cagnanno strata ‘o core nun vulesse abbagaglia’ ma ‘o viento t’ha purtato na ‘mmasciata ‘nzurfanno ca dimane nun staje cca... E ‘o sole nuovo se fa ‘ncurdatore ‘nzerrato dint’a notte meza scura e ’nchietta ‘o juorno ca già conta l’ore d’a sciorta t’appresenta ‘a mascatura... E comme arape ‘a porta a sta speranza ca nasce mente more na certezza ‘o pietto ca nun caglia maie abbastanza s’abbasca p’attumma’ tutt’ ‘a futezza... Ma dint’a chistu mare fanfarrone tu siente ca se schianta ‘a curatella e allora nun scurdarte sta canzone e ‘o tuosseco s’avota a caramella pecché può scancella’ tre quarte ‘e vita ma ‘a Bruno nun te lassa nu mumento e comme a ceralacca o calamita se ‘nchiova e t’addeventa sacramento!

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese