Dialettali 12 settembre 2009 · lettura 2 min · 2913 letture

+ Segui

Ghe xé tante meraveje al mondo che par vardarle tute no bastaria sento ani. Una de queste ea xè na perla vivente basà dal cielo e dal mar. Milioni de foresti che i se move sapienti e profani. Oci sbarosai dae beesse boche verte de amirassion tra ciese, piasse e bazar. E gondoe caressae dal mar che se move come corpi de done sinuose e sensuai. Ma qualche mona ga pensà che sti prodigi no i gera abastansa. Da sta mente bacata na grande ispirassion: un altro ponte pae cai. I ga ciamà n'architeto nianca venessian ma dea tera de Sancho Pansa. Sto spagnolo par tanti milioni el ga ideà na parancola degna del mejo artista. El parea tuto perfeto pien de bei rivestimenti roba da esposission. Xè passà nianca un ano e na multitudine de poareti ea xè sbrissà come su ea pista. I ga dito che par sicuressa saria mejo sarare il ponte e spenderghe qualche milion. Ma mi che so un poareto e non capisso na fava continuo a domandarme che bisogno che gera de scomodar CALATRAVA?

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Pino Tota

Non sono nato in un mondo morto. I miei occhi non si sono mai stancati di guardare la bellezza del mondo visibile, né c’è stata una fine alla suprema meraviglia...(TAGORE)