Dialettali 14 febbraio 2015 · lettura 2 min · 2201 letture

+ Segui

I vèrse a mezo zorno la gran festa i colombi delo “stormo fedele”, a Samarco nel filar de le stele scortar dal ciel Colombina i se presta. Cratura che de belezza ga vanto, e che nela zampeta porta un messo, de pase al Doge e nel mondo indefesso; vederla arivar xe un grazioso incanto. Pantalon xe ch’el zira fra la zente a lodar co’ sesto le zovenète, o su le lusenti boteghe darente se diverte a brontolar co' burlète. Fra lo sfilare de sti bei costumi ócio ‘na bela tosata veneziana; co’ un bel viseto, smeraldi per lumi, crin d’oro, e mia ciacola al fior s'ingrana: -zentil roseta, ti me fa pensar... al più bel bócolo che silente aduna nele arzentee rive dela laguna, e che drento al mio cuor lo fa pulsar. Ànema mia alora, cossa la prova fra quela luse che ilumina el mar? Chi da sta màscara de Casanova soto sto sol ti voressi basar? Xe la freve d’amor che me tormenta co’ sta splendida musa che me tenta: -supiada de siròco a consolar, fra i coriandoli mi voria svolàr!

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

L'autore